Skrípó 25.02.09: Ekki sprengidagur...

Fer alveg að vera spurning að vera með tvær síður á skrípó í svona gósentíð eins og 24. feb var. Annars var mikið lagt á sig í tilraunum með útlit í dag. Hvað segja áhangendur um þetta lúkk?

Skrípó, 07.01.09

Björgólfur í Kastljósi

Það kom ekkert út úr þessu viðtali. Var óttalegur moðreykur bara. Sigmar sýndi fínt aðhald og allt það. Reyndi að bauna á karlinn og halda honum við efnið.

Ég skil samt vel að ekkert hafi komið út úr þessu. Sigmar er sennilega, eins og ég, alinn upp í að maður láti ekki kné fylgja kviði á gamalmennum. Enda er það yfirleitt tilgangslaust og illmannlegt að brjóta niður gamalmenni. Nákvæmlega þannig kom Björgólfur út í þessu viðtali -- eins og aldraður rjómi. Alveg gáttaður á ástandinu.

Og já ég hafði samúð með kallrassgatinu. Vonandi er þetta bara hans síðasta fjármálaævintýr. Síðasti bankinn sem hann kemur á hausinn. Kannski er þarna kominn næsti formaður félags eldriborgara?

Loksins, loksins

Frétta- og fjölmiðlafólk hefur stóreflst í aðgangshörku sinni og í að skera gegnum spunann og koma að kjarna málsins.

Þetta sést á viðtali Sigmars Guðmundssonar í gær, viðtali Egils Helgasonar við Jón Ásgeir Jóhannesson, og svo núna í viðtali Þóru Kristínar Ásgeirsdóttur við Birgi Ármannsson formann allsherjarnefndar.

Meira svona, takk.

Nýtt lyf gegn vonleysi og reiði

Kastljós, 22. október, 2008