Skrípó 24.02.09: Framsóknarklækir

Víst best að fara að pumpa út Framsóknarádeilunum áður en Framsóknarflokkurinn og rússneska mafían eignast mig með húð og hári eins og mínir nafnlausustu aðdáendur vita að mun ske bara strax eftir helgi! :-)

Skrípó 18.02.09: Kvöld með Óskari!

Þessi er spes. Til að skilja stemninguna á bakvið skrípóið þarf að horfa á sketsið hérna neðst.

Skrípó 12.02.09: Þráinn fer fram fyrir flokkinn

Skrípó, 29.01.09

Einn gallharður aðdáandi bað um Framsóknarskrípó um daginn. Hvers vegna í fjáranum veit ég ekki...

Ég er ekki Viðskiptaráðherra

„Ég er ekki Viðskiptaráðherra, ég get ekki sagt af mér sem slíkur.“ Þetta heyrðist mér Valgerður Sverrisdóttir segja í viðtali við Sindra Snæ á Stöð 2 í gær. „En ég skorast ekkert undan ábyrgð á mínum verkum sem Viðskiptaráðherra.“ Verður að viðurkennast að ég var að taka vel á í ræktinni á meðan þessu stóð, og datt næstum af hlaupabrettinu í forundran.

Hvar er virðing hennar fyrir Framsóknarflokknum? Var þessi stefna hennar og Finns eitthvað sem samræmist anda Framsóknarstefnunnar? Hvernig væri að segja af sér varaformennsku og þingstörfum svo kjósendur hafi allavega einhverja ástæðu til að snúa aftur í græna faðminn?

Ég kýs ekki Framsókn á meðan hryðjuverkamennirnir og vinir þeirra eru enn að störfum fyrir flokkinn. Svona lítill flokkur verður ekki stór aftur nema með nýju blóði og nýjum áherslum.

Segðu af þér í bara sem mestum mæli og þú getur Valgerður. Allt í lagi að þú sendir afsagnar og uppsagnarbréf vegna starfa sem þú sinnir ekki. Segðu af þér tvisvar bara til að vera viss. Verði þér eftirlaunin að góðu.