Skrípó, 01.02.09: Helvítis andskotans Framsókn!

Spádómur: Þetta skrípó á ekki eftir að rata á margar málsmetandi bloggsíður.

Ég hef alltaf talið það mjög tvíbent að kalla stóran hóp fólks hænur... Djöfull er ég feginn að vera ekki í framboði!

Skrípó, 06.01.09: Nafnleysi

Einsettur bloggari grunaður um lýðskrum

Lýðskrum má þekkja á viðbrögðum manna við fréttum hvers tíma.

Þeir eru á móti og reyna að vekja upp reiði gegn ákveðnu fólki eftir því hvar þeim sýnist almenningsálitið liggja. Með öllum mögulegum leiðum:

25.09.08: Ekki þjóðnýta tapið.

03.10.08: Ríkið átti að leyfa bönkunum að fara á hausinn.

09.10.08: Davíð setur Kaupþing á hausinn.

10.10.08: Ríkisstjórnin stundar kennitölusvindl gegn Bretum.

12.10.08: Bretland skuldar Íslandi skaðabætur.

Mestu skiptir að setja sig upp á móti sem mestu. Jafnvel þótt hlutirnir þróist og aðlagist eigin hugmyndum. Alltaf er ekkert rétt gert.

Bloggið logar

Bloggið logar í heimtingu á rannsóknum. Sannindi, hálfsannindi, lygar, og nornaveiðar allt í bland.

Auðvitað þarf að rannsaka þetta. Það þurfa óháðir aðilar að gera, og það verður gert af háskólum og öðrum stofnunum, hérlendis sem erlendis, burtséð frá vilja stjórnvalda til sjálfsskoðunar.

Það sem er boðað á blogginu núna eru ekki góðir rannsóknarhættir, og fáum orðum fylgja þar ábyrgð.

Orðræða margra líkist frekar byltingartilraun, en áköllun á rannsókn. Sem er í besta falli grátbroslegt, því hverskonar byltingu er stjórnað af fólki í skrifborðsstólum?