Skrípó 26.02.09: Stöndum vörð um Davíð!

Skrípó 23.02.09: Svikinn um laun og kærður

Það þarf að halda þessum djöflum hreinskilnum.

Einsettur bloggari grunaður um lýðskrum

Lýðskrum má þekkja á viðbrögðum manna við fréttum hvers tíma.

Þeir eru á móti og reyna að vekja upp reiði gegn ákveðnu fólki eftir því hvar þeim sýnist almenningsálitið liggja. Með öllum mögulegum leiðum:

25.09.08: Ekki þjóðnýta tapið.

03.10.08: Ríkið átti að leyfa bönkunum að fara á hausinn.

09.10.08: Davíð setur Kaupþing á hausinn.

10.10.08: Ríkisstjórnin stundar kennitölusvindl gegn Bretum.

12.10.08: Bretland skuldar Íslandi skaðabætur.

Mestu skiptir að setja sig upp á móti sem mestu. Jafnvel þótt hlutirnir þróist og aðlagist eigin hugmyndum. Alltaf er ekkert rétt gert.

Jónas og „George Brown"

Í tveimur nýlegum færslum vísar ritstjórinn fyrrverandi, Jónas Kristjánsson, í ummæli George Brown forsætisráherra Bretlands.

Ritstjórinn virðist í mikilli geðshræringu sem fylgir því að sjá höggstað á Sjálfstæðisflokknum.

George Brown barón var innanríkis- og efnahagsráðherra Bretlands á árunum 1964-1966. Tími hans í pólitík var styttur af pressu stjórnmálanna, sem jók mjög á áfengisþorsta hans.

Kannski finnur Jónas hliðstæður í sjálfum sér í Brown barón?

Fallít ritstjóri

Sést alltaf hverjir lepja allt upp eftir Jónasi Kristjánssyni. Þeim þykir orðið „fallít" svaka flott.

Gerði Davíð Oddsson ekki nokkurnveginn þá sömu hluti og Jónas gerði að kröfu sinni eftir að ríkið bauðst til að kaupa 75% í Glitni? Talaði um að kasta ekki góðu fé eftir vondu.

Ég þekki menn sem hafa lent illa úti í samskiptum sínum við Davíð Oddsson, verið reknir úr stofnunum ríkisins. Útskúfaðir og úthrópaðir.

Allajafna þætti mér ekki óþægilegt að sjá hann í skotlínunni. En svona moðreykur fer óstjórnlega í taugarnar á mér.