Skrípó: December 2008

31.12.08

Skrípó, 31.12.08

Stjórnarformaður Lánasjóðs Íslenskra Námsmanna er í viðtali um afdrif skjólstæðinga sjóðsins. Fréttamaður: Nú eru skjólstæðingar sjóðsins erlendis einhverjir mestu öreigar landsins og enginn kemur þeim til hjálpar. Hverju sætir þetta? Gunnar I. Birgisson: Hehe.. Ungt fólk er stundum óþolinmótt. Við vinnum þetta bara á okkar forsendum. Fréttamaður: Fallegt af þér að bæta þessari sneið við upplifun þeirra af ríkisvaldinu. Hvernig stendur annars á því að þú ert stjórnarformaður LÍN? Gunnar: Tja, ég samdi bara um það á flokksfundi. Ég fer ekki á Alþingi og í staðinn lætur Alþingi mig hafa svona gigg. Ég vissi ekkert að ég þyrfti að standa í einhverju svona pexi þegar ég tók við þessu.. Fréttamaður: Kemur þú með eitthvað annað en flokksskírteinið að borðinu við þessa vinnu? Er einhver reynsla sem þú býrð að? Gunnar: Mannúðarsamstarf okkar Ásgeirs Davíðssonar. Við höfum í gegnum árin styrkt margar ungar stúlkur frá fátækum þjóðríkjum.

30.12.08

Skrípó, 30.12.08: Go cry, emo kid.

Það var ekki þurrt auga á Íslandi þegar harmþrungið bréf barst frá týnda syninum sem hímdi nú klökkur með ritstafinn í íbuð sinni á Manhattan... Jón Ásgeir Jóhannesson: Þau sögðu að ég hefði sett Ísland á hausinn. ég væri óreiðumaður sem kynni ekki með peninga að fara.. snökt.. Ég tók þetta alveg hrikalega nærri mér. Statusinn hjá mér á MSN er núna bara fýlukall. Nú sit ég og stari í ljósaperuna, hlusta á Linkin Park allan daginn... Og græt.. Ó hvað ég græt sáran... Barn: Aumingja greyið maðurinn. Komið með skuldirnar hans, ég skal gangast við þeim svo Jón Ásgeir geti endurheimt lánstraustið og keypt eitthvað fallegt handa sér og sínum...

29.12.08

Skrípó, 29.12.08

Heimastjórnarflokkurinn var enn í miklu uppnámi vegna brotthvarfs varnarliðsins... Styrmir hendir skóm að George W Bush. Hafðu þetta fyrir að yfirgefa Sjálfstæðisflokkinn! Og Morgunblaðið!

28.12.08

Skrípó, 28.12.08

Undarleg raketta var sú er frelsisfretur hét. Hún fór jafnan mjög ákveðin lóðbeint til himins með hrokafullum gusti. Ekki sprakk hún heldur sundraðist og sáldraði yfir nærstadda ómerkilegri en stórhættulegri froðu. Hrapaði svo leiftursnöggt niður logandi og æpandi og reyndi að hæfa eigandann. Framleiðandi heldur því þó staðfastlega fram að vandinn liggi hjá notendum; hönnun flugeldsins sé fullkomin...

27.12.08

Skrípó, 27.12.08

Á jólum fá börn oft gjafir frá fólki sem það þekkir lítið sem ekkert. Gluggapóstur stílaður á FS37, Borgartúni 27, með loka aðvörunar stimpli, og álímdum merkimiða stílaður á íslensk börn frá FS37, FS7, og fjölsk.

24.12.08

Skrípó, 24.12.08

Óska löndum mínum, viðhlæjendum jafnt og viðfangsefnum, gleðilegra og áhyggjulausra jóla!

23.12.08

Skrípó, 23.12.08

Er jólatréð svolítið rytjulegt og lítið undir trénu nema nokur tárvot jólakort? Engar áhyggjur, jólaandinn snobbar ekki fyrir fallegum umbúðum. Huggaðu þig við að vera ekki svo aumt eintak að hafa þurft að svíkja eigin hugsjónir rétt fyrir jól... Samfylkingin fagnar undir fyrirsögninni eftirlaunin hólpin. Össur kallar teiti!

22.12.08

Skrípó, 22.12.08

Menntamálanefnd tók strax til við að kanna hvort miðlum 365 hafi verið misbeitt í viðskiptalegum tilgangi. Niðurstaðan kom jafnvel harðasta íhaldsmanní á óvart... Jæja við fengum kassa af spólum sem fólk hefur safnað um þessi mál. Vill einhver ýta á play? Jói fel... Afhverju er ég í formi? Sko trikkið er að kaupa bara súkkulaði úr Hagkaup, Bónus, eða 10-11, ekki snerta við öðru, maður verður feitur af því... Siggi Stormur... Semsagt, það verður ansi skítt veður hérna í kringum Krónuna og Nettó, en bongóblíða í nágrenni Bónuss. Sveppi... Svo muniði krakkar, alltaf að taka frekjuköst ef mamma og pabbi fara með ykkur í einhverjar búðir sem Jóhannes frændi á ekki, því hinar búðirnar eru VONDAR við jólasveininn og selja EITRAÐ nammi!

21.12.08

Skrípó, 21.12.08

Kauphöll Íslands hefur hengt upp nýtt skilti hjá sér: Nýtt kortatímabil!

20.12.08

Skrípó, 20.12.08

Finnur fann loksins síðasta bútinn í púslið... Púsl úr mynd af Finni Ingólfssyni þar sem vantar bútinn fyrir munninn hans. Ofan á púslinu er mynd af Páli Magnússyni sem passar.

19.12.08

Skrípó, 19.12.08

björn bjarnason er að brima veraldarvefinn í mestu makindum þegar... AUÐLESINN MBL.IS SEGIR BJÖRN BJARNASON VERA ÚRELTAN GAMLAN VINDBELG. Geir H Haarde forsætisráðherra, og formaður Sjálfstæðisflokksins, segist ætla að losa sig við Björn Bjarnason dómsmálaráðherra fyrir jól. Það fyllti eiginlega mælinn hjá mér þegar Bjössi hrópaði ,húmbúkk!` að mér þegar ég bauð honum gleðileg jól á litlu jólum Alþingis um daginn. Segir Geir og er augljóslega nokkuð dapur í bragði. Bjarni Benediktsson, sem var valinn fallegasti drengurinn á árlegu jólahlaðborði Engeyjarættarinnar 1987 er líklegur arftaki Björns frænda síns. Björn Bjarnason: moðerfokkER! ég skal sko jafna um helvítið hann geir! seinna, á stjórnarheimilinu, ræða mamma og pabbi málin... Geir Haarde: heyrðu, hvítliðinn hringdi. hann rak hálfa efnahagsbrotadeildina í einhverju fýlukasti. Mér er svosem sama, það þýðir að mínir menn eru búnir að standa við sinn hluta af niðurskurðinum, hvað með gemlingana þína? ég er að brasast í þessu fyrir þau. ætla að senda silfurskottunni sneið með því að skera niður alla félagsþjónustu og skera síðan ríflega niður í framlögum til geðheilbrigðis barna. alveg komin með upp í kok að hún sé með meira fylgi en ég. þessir krakkaskíTAR geta síðan bara tekið tjill pillu fram yfir kreppu...

18.12.08

Skrípó, 18.12.08

Þessi maður gæti hæglega orðið einvaldur... Einar Már Guðmundsson: Hvenær sparkar maður í miðju bolta? Er það alltaf eða aldrei eða bæði því miðjan er bæði þar sem maður sparkar og ekki og allsstaðar og hvergi... Því ef hann kemst á Alþingi... Eins og hann virðist stefna á... Sofna allir þingmenn undir ræðunum... Og hann því sá eini sem hefur rænu til að taka þátt í atkvæðagreiðslum... Einar: Jörðin er hnöttur. Hnötturinn er eins og kúla í laginu eða bolti og hann snýst um það sem hann snýst og snýst ekki um það sem hann snýst ekki um...

17.12.08

Skrípó, 17.12.08: Allt hefur sinn tíma

Þetta fallega málverk er gjöf mín til þeirra sem minna mega sín og fara illa út úr kreppunni. Allra sem þurfa á öflugu velferðarkerfi að halda. Málverk af Jóhönnu Sigurðardóttur félagsmálaráðherra. Jóhanna: Jæja, þá er kreppan komin. Við sjáumst aftur í næsta góðæri. Þá mun minn tími koma.

16.12.08

Skrípó, 16.12.08

Spurning hvor er meira skrípó. Þessi forsíða eða sú sem mun birtast? Forsíða DV: Leiðari, Jón Trausti Reynisson, Við brugðumst ykkur, vol. 2. Hreinn Loftsson: DV er enn óháð blað. 12 síður af viðskiptafréttum. Valdar fregnir úr viðskiptalífi Íslands. Hver kom nálægt hruni Íslands? Ekki eigandi DV eða vinir hans. Þetta var alltsaman Davíð Oddssyni að kenna. Og Björgólfi Guðmundssyni. Dagblaðið Vísir, treyst af 5% þjóðarinnar, sem er alveg nóg. Reynir Traustason boðar nýja ritstjórnarstefnu: Lúffaði fyrir valdi auðmanna. Aðeins þeir sem ekki hafa efni á að verja sig þurfa að lúta ægivaldi DV.

15.12.08

Skrípó, 15.12.08

Jafnaðarforkurinn ISG datt óundirbúin í viðtal. Fréttamaður: Hversvegna beitti Samfylkingin sér ekki fyrir hátekjuskatti... Í ljósi þess að í kosningabaráttunni höfðuð þið mjög hátt um ójöfnuð í skattheimtu ríkisstjórnar Framsóknar- og Sjálfstæðisflokks? Ingibjörg Sólrún Gísladóttir: Hver afstaða hæfir hverju tilefni. Kosningabaráttan okkar var táknræn fyrir það að Samfylkingin hefði ekki lifað af 4 ár í viðbót utan stjórnar og hefði því líklega leysts upp... Við hljótum öll að vera sammála um að það sé mjög mikilvægt fyrir Ísland að eiga einn kratískan jafnaðarmannaflokk, ekki satt? Fréttamaður: Þannig að þið gerðuð ykkur upp afstöðu til að ná völdum og svíkið nú kosningaloforð til að halda völdum? Eruð þið ekki sama hækjan undir íhaldið og Framsókn var orðin? Og sem þruma úr heiðskíru lofti... Ingibjörg: Ööö.. Samfylking hættir með Sjálfstæðis ef við fáum ekki ESB. There I said it! Fréttamenn: OH NO SHE DIDN'T!!??

14.12.08

Skrípó, 14.12.08

Eignarhald hafði sem fyrr engin áhrif á efnistök íslenskra fjölmiðla... Skrípamynd af dv.is. Misskilinn Mannvinur. Jón Ásgeir Jóhannesson er alveg rasandi yfir fýlubollunni honum Agli Helgasyni og öðrum kverúlöntum sem stunda sjónvarpsþáttinn hans og blogg. Ég skil þetta bara ekki. Ég er hér að kaupa dót og bjarga fyrirtækjum frá gjaldþroti og veseni og hvað fæ ég fyrir? Endalausar dylgjur og aðfinnslur út af hinu og þessu! Ljóst er að Egill Helgason hefur beðið skipbrot í áliti manna á meðal út af eineltistilburðum hans. Auglýsing: Ágóði af sölu hverrar Mac tölvu fer óskiptur í uppbyggingarstarfið. Davíð setti FL Group á hausinn. Pálmi í Fons segir á bloggi sínu að hann hafi óstaðfestar heimildir fyrir því að Davíð Oddsson hafi stolist inn á heimabanka Hannesar Smárasonar og sett FL Group á hausinn. Mynd af Gunnari Smára Egilssyni með skotskífu og textanum Algjör Asni.

13.12.08

Skrípó, 13.12.08

Mótmæli. Mótmæli eru okkar ær og kýr. Við höfum mótmælt alls kyns tittlingaskít gegnum tíðina. Nú þegar hallar hvað mest á okkar umbjóðendur vill svo til að við erum við völd. Annað hefur ekkert með hitt að gera. Þó gætuð þið bókað að værum við í stjórnarandstöðu værum við alveg klár á því að fólk ætti að treysta okkur til verka. Við myndum hafa hvað hæst um ábyrgð ráðamanna. En við erum ekki sek. Við vissum ekkert af þessu fyrirfram. Davon haben wir nichts gewusst!

12.12.08

Skrípó, 12.12.08

Enn á ný er sóst eftir einstöku sjónarhorni Gylfa... Gylfi Arnbjörnsson: Jú jú, ég er Alþýðlegi maðurinn. Fréttamaður: Hvað finnst þér um kjör Alþingismanna og æðstu embættismanna ríkisins? Gylfi: Þetta er ótrúleg ósvinna! Þeir eru með margföld kjör fólksins í landinu sem þeir vinna fyrir! Ég er bara rasandi yfir þessu! Fréttamaður: En ert þú ekki með 900 þúsund krónur í mánaðarlaun, sjálfur fulltrúi alþýðunnar? Eru þessi ummæli þín um embættismenn ekki grátbrosleg í því ljósi? Gylfi: Öö, svona gerast bara kaupin á eyrinni sko.. Fréttamaður: Svona gerast kaupin á eyrinni? Hvað nákvæmlega veist þú um kaupin á eyrinni? Eða kaup þinna félagsmanna almennt? Gylfi sér að hann hefur misst tökin á þessu aftur, og þylur nú ljóð með hjartfólginni næmni.. Gylfi: Við erum fólkið sem erfiðar enn alþýðan fátæka, konur og menn.

11.12.08

Skrípó, 11.12.08

Á sama tíma í höfuðstöðvum Sameinuðu Þjóðanna í New York talar Ingibjörg Sólrún fyrir málefnum Íslands... Kæru Fulltrúar! Ingibjörg: Í anda yfirlýsingar ykkar þess efnis að tryggja beri velferð þróunarríkja þrátt fyrir kreppu, með því að minnka ekki aðstoð við þau... Hefur Samfylkingin, flokkur jafnaðarmanna, ákveðið tvennt. Að stórlega minnka þróunaraðstoð frá Lýðveldinu Íslandi. Og biðla til þróaðri ríkja eftir aðstoð.. Okkur hefur tekist á undra skömmum tíma að gera Ísland að þróunarríki með öllum pakkanum, meira að segja skoðanakúgun og ríkisspillingu. Úr sal: Kliður. Ingibjörg: Trúið mér. Engan tekur þetta jafn sárt og mig. Ef ég væri ekki hluti af spillingunni og valdníðslunni, væri ég þarna úti að mótmæla.

10.12.08

Skrípó, 10.12.08

Lögreglan lét loks til skarar skríða gegn Alþingi og tók að bera þingmenn út... Húsið er ekki alveg tómt enn. Guðjón Arnar Kristjánsson: Þeir höfðu mig ekki út. Það er verið að bíða eftir sérstökum lyftara. Þangað til get ég nýtt tækifærið og setið við ráðherraborð.. Afsettur forsætisráðherra, Geir Haarde var yfirheyrður fyrir að verja krónuna sína með pyntingum og hótunum. Geir: Só fokking what. Þetta virkaði, krónan styrkist! Ég var ekki kosinn til að tryggja frelsi einstaklingsins, heldur til að halda völdum og tryggja þar með sjálfsálit kjósenda X-D. Svona eins og Púlarar styrkjast þegar liðið vinnur leik. Ráðherra sjávarútvegs byrgði sig inn á skrifstofu en umsátrinu lauk þegar rætt var við hann á íslensku. Einar K Guðfinnsson: Djöfull er ég feginn að þetta eruð þið en ekki eitthvað útlent hervald að krefja mig um úrbætur í mannréttindamálum! Aðgerðir ganga vel, en eru taldar vera skamvinnar.. Þar sem reynslan sýnir að gerspillt og siðlaust fólk muni enn á ný ná tökum á húsinu.

9.12.08

Skrípó, 09.12.08: Ráðning Tryggva Jónssonar

Elín bankastjóri er að ráða nýjan starfsmann fyrir Landsbankann. Elín Sigfúsdóttir: Jæja, Tryggvi. Hefur þú einhverntíman unnið í banka áður? Glanni Glæpur: Hvað er þetta kerling, sérðu ekki bankamanna gallann sem ég er í? Elín: Jú, vissulega. Hér stendur hinsvegar að þú sért með dóm á bakinu.. Fiðlutónlist heyrist.. Glanni: Ó, mín kæra frú. Um var að ræða 12 mánuði vegna bókhaldssvika sem vondir menn lugu upp á mig og Jón Ásgeir. Sem er stærsti viðskiptavinur banka yðar. Það birtir yfir Elínu. Já! Hérna.. Helduru að þú getir nokkuð fengið hann til að borga inn á skuldina? Það er svo voðalega erfitt að vera að ganga að veðum hjá fólki sem á fjölmiðla. Glanni: Það fer nú allt eftir því hvort ég fæ hér vinnu eður ei...

8.12.08

Skrípó, 08.12.08: Stutt ágrip af mótmælum nútímans

Fjölmennustu mótmæli ársins 2007 voru gegn ljótum húsgögnum, en neytendum blöskraði lélegt úrval á munaðarvöru, sem þótti mun betra í útlöndum. Mótmælandi: Við viljum lekkera hluti! Þegar kreppan skall á 2008 blöskraði fólki og andæfði þeirri framtíðarsýn að fólk lifði á laununum sínum. Mótmælendur: Hvernig getum við haldið jól? IKEA hækkar verð! Bauhaus koma ekki!! Hugsið ykkur opnunartilboðin sem við missum af!! Yfirdráttarheimildin er dottin út! Þegar BT opnaði aftur með tilbpðum, ruddist fólk inn af slíku offorsi að afgreiðslufólk óttaðist um líf sitt. Mótmælendum fækkaði strax í kjölfarið. Mótmælendur: Fokk jess, opnunartilboð!! Ég pant kaupa plasma!

7.12.08

Skrípó, 07.12.08

Davíð mætir keikur á fund viðskiptanefndar Alþingis. Davíð Oddsson: Blössar. Ágúst Ólafur Ágústsson: Sæll, má bjóða þér sæti? Davíð: Heh, nei, ég afgreiði þetta bara standandi.. Davíð: Fokk jú. Fokk jú. Fokk jú. Fokk jú. Fokk jú. Fokk jú. Ladies and gentlemen, David has left the building. Fréttamaður: Hvað sagðir þú nefndinni? Davíð: Tja, fundurinn fór nú eiginlega mestmegnis fram á ensku. Fréttamaður: Hvað sagði Davíð? Árni Páll Árnason: Hédna, é veit aikki.

6.12.08

Skrípó, 06.12.08: Að þekkja sinn vitjunartíma

Með fullri virðingu fyrir Alfreð Gíslasyni. Þetta er bara myndlíking.

Ef þú gætir farið aftur til janúar þessa árs til að breyta einum hlut, myndi þetta líklega ekki hvarfla að þér.. Alfreð Gíslason handboltaþjálfari talar við blaðamenn: Eftir 7 marka tapið gegn Spáni hafa sumir ýjað að því að ég ætti að víkja sem þjálfari landsliðsins. Mér þykir það fráleitt því ég fór til formanns HSÍ og sagði honumk að það væru 0% líkur á að við gætum unnið þennan leik. Ég er farsælasti handboltaþjálfari sem uppi hefur verið á Íslandi. Það er fráleitt að ætla að ráða einhvern annan í starf landsliðsþjálfara, því enginn býr yfir jafn mikilli reynslu og ég. Peking, ágúst sama ár. Leikmaður landsliðsins: Hættu! Þú ert ágætur þjálfari og allt það, en þú ert bara ekki að ná til okkar! Alfreð: Góði haltu kjafti. Ef þið hrekið mig úr þjálfarastarfinu sækist ég bara eftir að komast í hópinn sem leikmaður. Og Þorgerður Katrín Gunnarsdóttir varð ekki uppvís að bruðli með almannafé... Bogi Ágústsson les fréttir: Íslenska handknattleikslandsliðið féll úr keppni á Ólympíuleikunum í Peking eftir fimm tapleiki í röð. Alfreð Gíslason landsliðsþjálfari segir spurningar um hvort hann íhugi nú að hætta ómálefnalegar og ósmekklegar

5.12.08

Skrípó, 05.12.08

Þegar neyðin er stærst er hjálpin næst. En getum við ekki gert betur en landslið jólasveina? Sturla Hólm Jónsson: Ég ætla að bjarga Íslandi með nýju stjórnmála afli. Í boði olíufélaganna. Ástþór Magnússon: Ég ætla að bjarga Íslandi með nýju stjórnmálaafli... Tómatsósu... Og friði! Styrmir Gunnarsson: Ég ætla að bjarga Íslandi með nýju stjórnmála afli. Og viðhaldi á gömlum gildum sem urðu til þess að stjórnarmyndanir voru bornar undir ritstjóra Morgunblaðsins til samþykkis. Davíð Oddson: Ég ætla að bjarga Íslandi með 17 árum af handónýtri hugmyndafræði.

4.12.08

Skrípó, 04.12.08

Geir Haarde: Þessi nýju lög tryggja það að Seðlabankinn eigi og ráðstafi öllum krónum í landinu. Enda er það hann sem prentar þær og á höfundarréttinn á seðlunum og myntunum sem slíkum, svo þetta er ekkert óeðlilegt. Fréttamaður: Þýðir þetta ekki að frjálshyggjan sem slík sé dauð, og það af sömu hendi og innleiddi hana á Íslandi? Geir: Sko, ehm, hérna.. Þetta er tæknilegt.. Öö tæknilegt atriði sem ég hef ekki alveg svör við.. En mér skilst að Hannes Hólmsteinn sé kominn með koníak í glasið og bláu lonníetturnar á nefið svo það er pistill væntanlegur sem svarar þessari spurningu. Ég hef fulla trú á að Hómsteinn reddi þessu fyrir okkur. Svo í bili verður svar mitt við þessari spurningu að vera hreint og klárt NEI

3.12.08

Skrípó, 03.12.08

Össur blés til veislu. Össur Skarphéðinsson: Margir hafa velt fyrir sér hversvegna ég hef bloggað svona lítið framan af í kreppunni. En ég hef verið að funda með fræga fólkinu um lausnir á kreppunni. Enda veit frægt fólk miklu meira um iðnað og svoleiðis en ég. Össur: Ein ídean sem upp hefir sprottið úr þessari synergíu vorri er að virkja landakortin sem eru glæný auðlind sem þessi hópur hefir komið auga á. Össur: Við breytum nafninu á Íslandi. Það mun verja Íslendinga fyrir þjóðernishatri, gera kröfuhöfum erfiðara að finna okkur, og afla tekna fyrir þjóðina. Úr sal: Pískr. Össur: Lítið á 70 milljón króna skjáinn hér fyrir aftan mig. Kort af Íslandi með textanum this space for rent. Össur: Þjóðir heims neyðast til að breyta hnattlíkunum og landakortum, og þá er okkur í lófa lagið að breyta nafninu aftur þegar viðunandi samningar hafa nást. Et voila, fyrsta auglýsingin á öllum almennum námsgögnum heimsins. Kort af Íslandi með Coca Cola vörumerkinu.

2.12.08

Skrípó, 02.12.08

Fjölskyldufaðir slakar á, en friðurinn er rofinn af símanum... Henrý Þór hugsar: Gallup fer aldrei á hausinn.... Henrý: Já halló? Árni Mathiesen: Blessar, Árni Mathiesen hér! Til hamingju með barnið. Henrý: Hvað get ég gert fyrir þig? Árni: Ég hef verið svolítið að hringja í fólk í þínum sporum undanfarið til að gera ykkur grein fyrir gjaldþrotinu og hvað sé í boði fyrir ykkur. Henrý: Gjaldþrot? Við konan erum enn réttum megin við núllið. Árni: Já, en ekki barnið. Um leið og Hagstofan gaf honum kennitölu gaf hún honum einnig 20 milljón króna skuld. Ennfremur hefur hann engar tekjur, að frátöldum gjöfum í formi fata og bangsímona. Svo þetta er de facto gjaldþrot. Henrý: 20 milljón? Þið eruð nú meiri helvítis fokköp artistarnir.. Árni: Við?! Það er óþarfi að vera að persónugera vandann við tókum öll þátt í þessu..

1.12.08

Skrípó, 01.12.08: Vandræðaunglingurinn

Uppfært 13:02: Þar sem ég var að eignast barn núna á sunnudagsmorgun hef ég ekkert komist á vefinn síðan fyrir þann tíma. Var búinn að setja upp þetta skrípó til birtingar fyrir ykkur í dag, en þetta misfórst eitthvað í uppsetningu hjá mér eins og gengur.

Falleg ást að vori árið 2007. Geir H Haarde: Áður en þú flytur inn, ástin, þa´þarftu að vita af honum Davíð sem býr hjá mér. Lendir strax í vandamálum, þó saklaus séu í fyrstu. Ingibjörg Sólrún Gísladóttir: Heyrðu, það var einhver búinn að stytta allar buxurnar mínar í morgun. Geir: Já, það hefur verið Davíð, hann á erfitt með að sætta sig við þig sem nýju mömmu sína. Aukast jafnt og þétt þegar líður á árið... Ingibjörg: Það var brotist inn hjá okkur meðan Davíð var einn heima og fjöregginu stolið. En hann hringdi ekki á lögguna! Geir: Já en þú manst kannski að hann sagði okkur í febrúar að þetta gæti gerst.. Davíð Oddsson í huganum: Craawliiiin iiiin my skiiin, thes wouunds they wiill not heeaal. Geir: Herra lögregluþjónn, ég geri mér grein fyrir að hann Davið minn hafi stolið miklum fjármunum af 320.000 manns, en hann er skilnaðarbarn og á erfitt uppdráttar í skóla. Ég bið þig því að hlífa honum. Hann er góður drengur... Ingibjörg: Sko, þetta gengur ekki, hann sagði ekki Björgvini mínum að hann hefði fengið ávísun í pósti fyrr en viku eftir að hún barst. Geir: Þetta er nú mér að kenna líka, sko. Hann sagði mér að ávísunin hefði komið en ég gleymdi að segja ykkur frá því... Ingibjörg: Minn hluti fjölskyldunnar hefur fengið nóg af Davíð. Og þú vilt ekkert taka á vandanum, kemur bara með afsakanir fyrir hann sýknt og heilagt. Þetta er bara búið. Geir: Nei æji elskan ekki láta vona. Heyrðu ég skal bara breyta afstöðu minni til að leyfa þér að beita mig Evrópusambandsfjötrum og taka mig með Evrunni ef ég fæ að halda ykkur báðum.

Subscribe to: Posts (Atom)